Sjúklingurinn og fíflin

Það er eins gott að þetta fólk, stjórnmálamenn og vissir embættismenn, séu ekki læknar. Því að orðavalið, sem það tileinkar sér um grafalvarleg mál lýsir best hroka þess og yfirlæti. Hef lesið spár margra hagfræðinga um hvernig framtíðin lítur út í það og það skiptið, þvílíka vitleysa og della.

Það er nú einu sinni þannig að ef við vissum framtíðina, hvað væri gaman þá. Getum við ekki alveg eins sagt að á fyrri hluta næsta árs finnst olía og jafnvel gas norðaustur af Íslandi og hvernig líta málin þá út?

Koma „krónulufsunni" í gang á ný

Athugasemdir

[Björn Hróarsson (IP-tala skráð) 7.11.2008 kl. 11:27]

Hún valdi nú líka Icesave þriðju bestu viðskiptahugmynd Íslendinga. Og svo komin á föstu laun hjá almenningi. Þetta gengur ekki. Burt með spillingarliðið.

[Bergsveinn G. Markússon (IP-tala skráð) 7.11.2008 kl. 11:36]

Edda Rós er einn besti eftiráhagfræðingur sem Ísland hefur eignast.  Hún er alltaf að segja hlutina eins og þeir voru, en ekki eins og þeir verða.  Það sem hún sagði á meðan að hún var yfirmaður áróðursdeildar gamla Landsbankans, hefur einfaldlega aldrei ræst.

Því sem hún er að lýsa í þessari tölu sinni, er einfaldlega nákvæmlega það sem á að fara að gera í núverandi stöðu.  Hún er bara ekki að koma með sínar tillögur heldur lýsa því af sinni alkunnu snilld því sem stjórnvöld og Seðlabanki ætla að gera þegar lánið frá IMF kemur í hús. 

[Arnar (IP-tala skráð) 7.11.2008 kl. 11:40]

Tori og Björn

Þið hafið gefið okkur smá innsýn í hugarheim ykkar og hvernig þið afgreiðið annað fólk.

En er eitthvað efnislegt sem þið viljið segja um mat Eddu Rósar á stöðunni og brýnasta verkefninu, þ.e. að koma gjaldeyrismarkaði af stað svo gjaldmiðillinn okkar hafi verð?

Hafi Tori lesið svona mikið af hagspám, hvort sem er frá gömlu Þjóðhagsstofnun, Seðlabanka, fjármálaráðuneyti, greiningardeildum bankanna, hagdeild ASÍ eða Samtökum atvinnulífsins ætti höfundi líka að vera ljóst að til grundvallar öllum spánum liggja forsendur sem tíundaðar eru rækilega. Stundum er meira að segja reynt að leggja mat á þróunina út frá ákveðnum frávikum frá forsendum. Hagspár eru fyrst og fremst tæki til að meta stöðuna, horfur, afleiðingar ákvarðana eða atburða og byggja þannig undir vitrænar ákvarðanir. Þar sem enginn hefur stjórn á öllum forsendum er barnaskapur að halda að spárnar geti verið nákvæm lýsing á ástandinu að ákveðnum tíma liðnum.

Enda hlýtur Tori næst að lýsa valkostinum við að byggja bestu fáanlegu fagþekkingu á gangvirki efnahagslífsins.

[Guðrún Sæmundsdóttir, 7.11.2008 kl. 17:28]

Edda Rós á svo sannarlega sinn þátt ásamt viðskiptaráðherra  í því að hafa kjaftað gengi krónunnar niður undanfarin ár, en það er tómt mál að tala um að þau taki nokkra ábyrgð á stöðu mála.

Þau voru samhljóma í ESB kórnum og töluðu öllum stundum um mikilvægi þess að íslendingar gengu inní ESB. Það er nú sérlega lærdómsríkt þessa dagana að fylgjast með "skítlegu" eðli sumra ESB ríkja þar sem þau beita kúgunum til þess að hindra lán alþjóða gjaldeyrissjóðsins til íslendinga.  Við ættum að læra af þessum kúgunum og halda okkur sem lengst frá ESB, því það er klárt mál að við yrðum kúguð þar endalaust til þess að láta af hendi fiskveiðiheimildir og afhenda ESB orku og vatnsauðlindir okkar.

Í fréttum BBC í gær var ályktað að með lækkun stýrivaxta breska Seðlabankans, sem ekki hafa verið lægri í tugi ára væri ljóst að breskt efnahagslíf stæði mun veikara heldur en Bretar hefðu gert sér grein fyrir. Skyldi Gordon Brown ekki beita sínum áhrifum til að komast yfir íslensk fiskimið Bretum til handa ef hann kæmist í aðstöðu til þess? En ljóst er að kreppan er komin til ESB landana og þau byggja aðallega á viðskiptum og þjónustu sem dregst óðum saman, svo að ekki lítur vel út með að þau nái sér uppúr kreppunni næstu árin. Höfum við íslendingar áhuga fyrir því að taka þátt í þeirra niðursveiflu?

Ég gef Eddu Rós og öðrum greiningarfulltrúum og forsvarsmönnum íslenskra banka falleinkunn, og legg til að við fáum norðmenn til að hjálpa okkur útúr krísunni með gjaldmiðlasamstarfi,  helst vil ég að norski seðlabankinn tilnefni þá sína bankastjórnendur yfir íslensku bönkunum  þar til að við erum búin að hreinsa hér rækilega upp spillinguna sem vafið hefur sig inní alla viði samfélagsins. Það er ákaflega erfitt að gera það nema að aðskilja bankana algjörlega  frá stjórnmálamönnum sem eru margir hverjir með ríka hagsmuni tengda bönkunum. Sennilega þurfum við þessa norsku  hjálp í amk. 8 ár, að þeim loknum getum við svo ákveðið framhaldið, þar sem valkostirnir væru áframhaldandi samstarf við Noreg, aðildarumsókn í ESB eða við ein með okkar gjaldmiðil.  

[Tori, 7.11.2008 kl. 18:51]

Arnar ef þú telur að þetta tal hjálpi krónunni, sem er nauðsynlegt fyrir okkur Íslendinga að trúverðugleiki hennar styrkist, þá ert þú hluti af vandamálinu.