Þurfa allir að fara.

Forustumenn allra flokka þurfa að hverfa af þingi. Þeir stóðu ekki vaktina. Það þarf ekki skemmtikrafta á þing heldur ábyrga einstaklinga sem sinna málunum.

Við viljum svör strax við öllum spurningum en ekki einhverja útúrsnúninga. Hversvegna er okkur  ekki sagður sannleikurinn t.d. um Rússalánið? Um hlutabréfaviðskipti í Landsbankanum rétt fyrir lokun?

Hversvegna átta ráðherrar þessarar ríkisstjórnar sig ekki á því að þeir njóta ekki trausts þjóðarinnar, ekki erlendis heldur. Hversvegna halda þeir að allir hafi snúið baki við þeim í fleiri mánuði. Hvað er svona óljóst í þeirra haus? Er siðblindan á svona gríðarlega háu stigi hjá þeim.

Skora á þingmenn að standa upp á móti spillingarliðinu í þeirra röðum og krefjast þjóðstjórnar strax og kosninga sem fyrst.